सञ्चारमन्त्री जगदीश खरेल स्वदेश फर्कियो

कात्तिक ३०, २०८२।   काठमाडौं दैनिक संवाददाता

काठमाडौं – सञ्चार तथा सूचना प्रविधिमन्त्री जगदीश खरेल दक्षिण कोरियाको सिओलमा सम्पन्न ११औँ ‘ग्लोबल आइसिटी लिडरसिप फोरम’मा सहभागी भएर शनिबार राति स्वदेश फर्किएका छन्।

मन्त्री खरेल कात्तिक २५ गते नेपाली प्रतिनिधिमण्डलको नेतृत्व गर्दै कोरिया प्रस्थान गरेका थिए। कोरियाको विज्ञान तथा आईसीटी (MSIT) मन्त्रालय र नेशनल इनफर्मेसन सोसाइटी एजन्सी (NIA) को संयुक्त आयोजनामा फोरम सिओलमा सम्पन्न भएको थियो।

फोरममा ‘डिजिटल र एआई ट्रान्सफर्मेसन : स्ट्राटेजिज एन्ड च्यालेन्जेस’ तथा ‘ग्लोबल कोअपरेसन फर सस्टेनेबल डिजिटल फ्युचर’ विषयमा दुई मुख्य सत्रहरू सञ्चालन भएका थिए।

मन्त्री खरेलले नेपालले एआई नीति तयार पारी राष्ट्रीय एआई केन्द्र सञ्चालनमा ल्याएको तथा एआई काउन्सिल गठन प्रक्रिया अघि बढाइरहेको सन्दर्भमा फोरमले महत्वपूर्ण ज्ञान र अनुभव प्रदान गरेको बताए। स्मार्ट सिटी मोडेल आदिबारे सहकार्यका विषयमा उच्चस्तरीय छलफल भएको मन्त्री खरेलको सचिवालयले जनाएको छ।

दक्षिण कोरियामा रहँदा मन्त्री खरेलले सिओल एआई फाउन्डेसन द्वारा सञ्चालित ‘सिओल एआई स्मार्ट सिटी सेन्टर’ को अवलोकन गरेका थिए। साथै उनले सिओलस्थित नेपाली दूतावास पनि भ्रमण गरेका थिए।

यसैक्रममा नेपाल पत्रकार महासंघ दक्षिण कोरिया शाखाले नेपाली समुदायसँग मन्त्री खरेलको अन्तरक्रिया कार्यक्रमसमेत गरेको थियो।

Related posts:

मधेश प्रदेश प्रमुख सुमित्रा सुवेदीलाई पदमुक्त गर्ने मन्त्रिपरिषद्को निर्णय प्रधानमन्त्रीको पहलपछि राष्ट्रपतिले संवादको बाटो खोले: अब दल र जेन-जीबीच छलफलको तयारी उपसभामुख रानालाई हटाउने सत्तापक्षको प्रयास : दुई वर्ष पुरानो भिसा प्रकरण फेरि चर्कियो हर्क जस्तो छोरा जन्माउने आमालाई ‘कोखको सम्मान’ गर्ने सरकारमा जाने कुनै चासो छैन अध्यक्ष दाहाल दुर्गा प्रसाईंलाई २८ लाख धरौटीमा रिहा गर्न उच्च अदालतको आदेश प्रतिनिधि सभाको बैठक आज बस्दै,महत्वपूर्ण विधेयकहरूमा छलफल हुने