साउन २८, २०८२।
काठमाडौं – राष्ट्रिय स्वतन्त्र पार्टीका सभापति तथा पूर्व गृहमन्त्री रवि लामिछानेको मुद्दा उच्च अदालतमा विचाराधीन भइरहेका बेला उनकी पत्नी निकिता पौडेलले गृहमन्त्री रमेश लेखक र प्रधान न्यायाधीशलाई सम्बोधन गर्दै कडा भाषामा पत्र लेखेकी छिन्। उनले पत्रमार्फत श्रीमानलाई न्याय दिलाउन माग गर्दै न्यायालयमा भइरहेका अस्वाभाविक गतिविधि र राजनीतिक हस्तक्षेपको खुलासा गरेकी छिन्।
निकिताले आरोप लगाएकी छन् कि अदालतको आदेश आएपछि समेत गृहमन्त्रीको निर्देशनमा कार्यान्वयन रोकिन्छ, न्यायिक परिषद्मा उजुरी हालिन्छ र उजुरीको ड्राफ्ट समेत गृहमन्त्रीकै कार्यकक्षमा तयार हुन्छ। उनका अनुसार, मुद्दाको पेशी चढ्ने दिन नै न्यायाधीशलाई धम्क्याउने उद्देश्यले उजुरी र मिडिया ट्रायल गरिन्छ।
पत्रमा उनले प्रधान न्यायाधीशलाई प्रश्न गर्दै लेखेकी छन्, अब म जिल्ला अदालतको आदेशविरुद्ध उच्च अदालतमा अपिल जाउँ कि नजाउँ? सरकारी पक्ष नाजवाफ भए पनि फैसला कहिल्यै हाम्रो पक्षमा आउँदैन।
निकिताले न्यायालयको वर्तमान संरचना, न्यायाधीशहरूको सरुवा–बढुवा प्रणाली र राजनीतिक दबाबको आलोचना गर्दै दुई तिहाइको सरकारले विपक्षी नेतामाथि गरिरहेको अन्यायको अन्त्य गर्न आग्रह गरेकी छन्। उनले अन्तर्राष्ट्रिय अदालतसम्म मुद्दा लैजाने चेतावनी दिँदै, “न्याय नपाएसम्म म लडिरहन्छु,” भनेकी छन्।
Related posts:
