KATHMANDU DAINIK

युवा संघ–जेन-जी झडप : धनगढीको सडकमा तनाव, विरोधमा उत्रिएका जेनजीलाई हातपात

मंसिर १०, २०८२।  काठमाडौं दैनिक संवाददाता

धनगढी,,महेश बस्नेत,,जेन-जी विरोध,,युवा संघ आक्रमण,,एमाले राजनीति,,नेपाल समाचार,,Sudurpashchim politics,,Gen-Z Nepal,,Basnet protest,,Dhangadhi tension,

धनगढी – एमाले नेता महेश बस्नेत धनगढी आइपुगेसँगै स्थानीय जेन-जी समूहले आयोजना गरेको विरोध कार्यक्रम तनावपूर्ण बनेपछि युवा संघ सम्बद्ध कार्यकर्ताले उनीहरूमाथि हातपात गरेका छन्। बस्नेत आगमनको सूचना सार्वजनिक भएपछि जेन-जी युवाहरू सडकछेउमा प्लेकार्ड लिएर शान्तिपूर्ण रूपमा उभिएका थिए।

विरोधका क्रममा सम्भावित झडप अनुमान गरी सुरक्षाकर्मीले प्रदर्शनकारी युवालाई घेरा बनाएर सडक पेटीतिर सारिदिएका थिए। सडकको मुख्य भाग खाली देखिए पनि बस्नेतको स्वागतका लागि मोटरसाइकलको लामो लस्करसहित हिँडिरहेका युवा संघ कार्यकर्ताले सुरक्षाघेरा तोड्दै जेन-जी समूहमाथि आक्रमण गरेको प्रत्यक्षदर्शीहरूले बताएका छन्।

प्रहरी स्रोतका अनुसार युवा संघले प्रदर्शनकारीलाई धकेल्दै लखेट्नेगरी हातपात गरेको पुष्टि भएको छ। झडपका क्रममा जेन-जी समूहकी सरिता जोशीसहित केही युवालाई चोट लागेको प्रहरीले जनाएको छ।

घटनापछि क्षेत्र केही समय तनावग्रस्त बनेको थियो भने सुरक्षाकर्मीले दुवै पक्षलाई अलग–अलग गरी स्थिति नियन्त्रणमा लिएको बताइएको छ।

यसअघि पनि एमाले नेता बस्नेतविरुद्ध देशका विभिन्न स्थानमा प्रदर्शन हुँदै आएको छ।

Exit mobile version