साउन २६, २०८२।
काठमाडौं – सुदूरपश्चिमका बलिङ अलराउन्डर नारायण जोशी एनपीएलको दोस्रो सिजनका लागि विराटनगर किंग्समा आबद्ध भएका छन्। क्याटगोरी ‘बी’ अन्तर्गत जोशीलाई पाँच लाख रुपैयाँमा विराटनगरले अनुबन्ध गरेको हो।
पहिलो सिजनमा पोखरा एभेन्जर्सबाट खेलेका जोशी यसपटकको नियमित अक्सनमा बिक्री हुने २०औं खेलाडी बनेका छन्। उत्कृष्ट बलिङ र उपयोगी ब्याटिङ क्षमताका कारण जोशीलाई टिमले महत्त्वपूर्ण सदस्यको रूपमा लिएको बताइएको छ।
विराटनगर किंग्सले यसपटकको टिम संयोजनमा अनुभवी र उदीयमान दुवै प्रकारका खेलाडीलाई मौका दिँदै प्रतिस्पर्धी टिम बनाउन खोजेको छ। एनपीएलको दोस्रो सिजनको अक्सनमा अहिलेसम्म २६ खेलाडी बिक्री भइसकेका छन् ।
Related posts:
