कात्तिक २९, २०८२। काठमाडौं दैनिक संवाददाता
काठमाडौँ – नेपालमा हाल गठन भइरहेका नयाँ राजनीतिक दलहरूमा कलाकारहरूको आकर्षण तीव्र रूपमा बढिरहेको छ। “एक पार्टी–एक कलाकार” जस्तै देखिने वर्तमान परिस्थितिमा हरेक नयाँ पार्टीले लोकप्रिय कलाकारलाई नेतृत्व तहदेखि सदस्यता तहसम्म सक्रिय रूपमा जोड्दै गएको देखिन्छ।
अभिनेत्री एलिजा गौतम ‘जनादेश पार्टी नेपाल’ की उपाध्यक्ष बनेकी छन् भने रीमा विश्वकर्मा ‘उज्यालो नेपाल पार्टी’ मा प्रवेश गर्दै ऊर्जामन्त्री कुलमान घिसिङको नेतृत्वप्रति विश्वास व्यक्त गरेकी छन्। अभिनेत्री निशा अधिकारी पनि ‘गतिशील लोकतान्त्रिक पार्टी’ की केन्द्रीय सदस्य बनिसकेकी छन्।
कलाकारहरूका अनुसार राजनीतिमा प्रवेश गर्नुको मुख्य उद्देश्य सामाजिक सुधार, नीतिगत योगदान, युवालाई रोजगारी, सुशासन र प्रणालीगत परिवर्तन नै हो। रिमा भन्छिन्, हामीले धेरै प्रधानमन्त्री बदलिएको देख्यौं तर हाम्रो जीवनमा खासै परिवर्तन आएन। अबका पुस्ताका लागि काम गर्नुपर्छ भन्ने महसुस गरे, अनि राजनीतिमा आए ।
एलिजा गौतमका अनुसार महिला अधिकार, रोजगारी र सुशासन आफ्नो पार्टीका मुख्य एजेन्डा हुन्। उनी भन्छिन्, कलाकारले समाजलाई धेरै दिन सक्छन्। अब त्यो काम राजनीतिक नेतृत्वबाट गर्न चाहें।
कलाकारहरूको राजनीतिक सक्रियता बढ्नुमा हालैको जेनजी आन्दोलनले ठूलो प्रभाव पारेको छ। यसले युवामा नयाँ नेतृत्वप्रतिको खोजी र निराशा हटाउने आशा जगाएको छ।
Related posts:
