जीवन बीमाको कारोबार ४९ अर्ब नाघ्यो, कुन कम्पनीको कति?

कार्तिक २३, २०८२।   उपसना पौडेल

 

काठमाडौं – नेपाल बीमा प्राधिकरणले सार्वजनिक गरेको पछिल्लो तथ्यांक अनुसार देशभरका जीवन बीमा कम्पनीहरूको कुल कारोबार ४९ अर्ब २२ करोड ९३ लाख रुपैयाँ पुगेको छ। गत आर्थिक वर्षको सोही अवधिको तुलनामा यो कारोबार १९.८४ प्रतिशतले वृद्धि भएको हो।

चालु आर्थिक वर्ष २०८२/८३ को असोज मसान्तसम्म बीमा कम्पनीहरूले ८ अर्ब १४ करोड ९२ लाख रुपैयाँ बराबरको बीमा शुल्क वृद्धि गर्न सफल भएका छन्।

तीन महिनाको अवधिमा नविकरणमार्फत ३९ अर्ब ६८ करोड ८३ लाख रुपैयाँ र नयाँ बीमा शुल्कमार्फत ९ अर्ब ५४ करोड ९ लाख रुपैयाँ संकलन भएको बीमा प्राधिकरणले जनाएको छ।

देशभर हाल १ करोड १४ लाख ३८ हजार २७३ जीवन बीमालेख सक्रिय छन्। बीमा क्षेत्रको समग्र वृद्धि सन्तोषजनक मानिएको छ।

कम्पनीको कारोबार:

नेपाल लाइफ इन्स्योरेन्स: १३ अर्ब ४५ करोड ५० लाख (१२.२०% वृद्धि)

नेशनल लाइफ इन्स्योरेन्स: ५ अर्ब ६८ करोड ४७ लाख

एलआईसी नेपाल: ४ अर्ब ९८ करोड ३४ लाख

राष्ट्रिय जीवन बीमा: ४ अर्ब ५३ करोड २२ लाख

हिमालयन लाइफ: ४ अर्ब ४३ करोड ६१ लाख

सूर्यज्योति लाइफ: २ अर्ब ८८ करोड १० लाख

एशियन लाइफ: २ अर्ब २६ करोड ९६ लाख

सिटिजन लाइफ: २ अर्ब १७ करोड ८६ लाख

व्यवसाय वृद्धिदरका हिसाबले राष्ट्रिय जीवन बीमा कम्पनी अग्रस्थानमा छ। कम्पनीको कारोबार २२२.४९ प्रतिशतले बढेको बीमा प्राधिकरणले जनाएको छ।

अन्य कम्पनीहरूमा पनि उल्लेखनीय वृद्धि देखिएको छ।
सानिमा रिलायन्सले १ अर्ब ८१ करोड ४० लाख,
मेटलाइफले १ अर्ब ६६ करोड ४२ लाख,
आइएमई लाइफले १ अर्ब ५१ करोड ५४ लाख,
रिलायवल नेपालले १ अर्ब ४५ करोड ६६ लाख,
प्रभू महालक्ष्मीले १ अर्ब ४० करोड ६ लाख,
सन नेपाल लाइफले ९५ करोड ७२ लाख रुपैयाँ बराबरको कारोबार गरेका छन्।

जीवन बीमा बजारमा स्थायित्व र वृद्धिको संकेत देखिएको छ। नेपाल लाइफको बजार हिस्सेदारी अझै बलियो देखिएको छ भने राष्ट्रिय जीवनले तीव्र वृद्धि दरका साथ प्रतिस्पर्धी कम्पनीहरूलाई चुनौती दिइरहेको छ।