मंसिर २, २०८२। काठमाडौं दैनिक संवाददाता
काठमाडौं – दोस्रो संस्करणको नेपाल प्रिमियर लिग (एनपीएल) २०८२ अन्तर्गत आज दुई रोमाञ्चक खेल हुने भएका छन्। कीर्तिपुरस्थित त्रिवि अन्तर्राष्ट्रिय क्रिकेट रंगशालामा बिहान ११:४५ बजे पहिलो खेलमा चितवन राइनोज र कर्णाली याक्स भिड्नेछन्।
दोश्रो खेलमा विराटनगर किंग्स र पोखरा एभेन्जर्स प्रतिस्पर्धा गर्नेछन्। दुवै खेलमा चारै टोलीले सुखद सुरुआतको लक्ष्य राखेका छन्।
चितवनको कप्तानी कुशल मल्लले गर्नेछन् भने कर्णालीको टोली सोमपाल कामीको नेतृत्वमा मैदानमा उत्रनेछ। विराटनगरको कप्तान सन्दीप लामिछाने रहनेछन् भने पोखराको टोली कुशल भुर्तेलको नेतृत्वमा खेल्नेछ।
यसअघि सोमबार सम्पन्न खेलमा साविक विजेता जनकपुर बोल्ट्सलाई पाँच विकेटले हराउँदै काठमाडौं गोर्खाजले सुखद सुरुआत गरेको थियो। जितसँगै काठमाडौंले अंकतालिकामा दुई अंक जोडेको छ।
प्रतियोगिता नेपाल क्रिकेट संघ (क्यान)को आयोजनामा मंसिर १ गतेदेखि सुरु भइ फाइनल खेल मंसिर २७ मा हुनेछ भने विजेताले रु एक करोड १० लाख पुरस्कार पाउनेछन्।
Related posts:
