साउन ३१, २०८२।
काठमाडौं – पूर्वगृहमन्त्री तथा राष्ट्रिय स्वतन्त्र पार्टी (रास्वपा)का सभापति रवि लामिछानेलाई रुपन्देही कारागारबाट ललितपुरस्थित नख्खु कारागारमा स्थानान्तरण गरिएको छ। लामिछानेमाथि बुटवलस्थित सुप्रिम सहकारी ठगी प्रकरणमा संलग्न रहेको आरोप लागेको छ।
अदालतको आदेशपछि सरुवा प्रक्रिया सुरु
गत चैत २५ गतेदेखि पुर्पक्षका लागि रुपन्देही कारागारमा थुनामा रहेका लामिछानेले कारागार स्थानान्तरणको माग गर्दै दुईपटक निवेदन दिएका थिए। जेठ १४ गते उनले डिल्लीबजार कारागार स्थानान्तरणको निवेदन दिए पनि त्यसबारे कुनै कार्यान्वयन नभएको भन्दै असन्तुष्टि जनाउँदै आएका थिए।
राष्ट्रिय मानव अधिकार आयोगको टोलीले समेत जेल निरीक्षणका क्रममा लामिछानेको गुनासो लिएको थियो। अन्ततः कारागार व्यवस्थापन विभागका महानिर्देशक लीलाप्रसाद शर्माले साउन २८ गते लामिछानेको पुरक निवेदनलाई आधार मानी उनलाई नख्खु सार्ने निर्णय गरे।
नख्खुमा विशेष कक्षमा राखिने व्यवस्था
शनिबार बिहान आवश्यक कानुनी प्रक्रिया पूरा गरी उनलाई प्लेनमार्फत काठमाडौं ल्याइएको हो। हाल नख्खु कारागारमा उनलाई छुट्टै कोठामा राखिएको छ। लामिछानेले नख्खु कारागार रोजेको अधिकारीहरूले जनाएका छन्।
यस घटनाले पूर्वगृहमन्त्रीका रूपमा लामिछानेमाथि लागेको ठगी प्रकरणमा नयाँ मोड ल्याएको छ। राजनीतिक वृत्तमा समेत यो विषयले व्यापक चर्चा पाइरहेको छ।
Related posts:
