बाकसमा फर्किएका सपनाहरु : साउनमा मात्रै १३९ नेपालीको शव स्वदेश फर्कियो

भदौ ९, २०८२।

काठमाडौँ – २०८२ सालको साउन महिनामा मात्र विदेशमा ज्यान गुमाएका १३९ नेपालीको शव बाकसमा नेपाल भित्रिएको तथ्यांक सार्वजनिक भएको छ ।

त्रिभुवन अन्तर्राष्ट्रिय विमानस्थल (TIA) भन्सार कार्यालयका अनुसार विभिन्न मुलुकमा रोजगारी तथा अन्य कारणले मृत्यु भएका ती नेपालीको शव विमानमार्फत स्वदेश ल्याइएको हो ।

विदेशमा रोजगारी गर्न गएका हजारौं नेपालीमध्ये प्रत्येक वर्ष सयौंको मृत्यु हुने तथ्यलाई यसले पुनः उजागर गरेको छ । प्रायः दुर्घटना, स्वास्थ्य समस्या र आत्महत्याका कारण विदेशमा नेपालीले ज्यान गुमाउने गरेको प्रवासस्थित नेपाली नियोग र वैदेशिक रोजगार विभागले जनाएका छन् ।

१३९ वटा बाकसमा फर्केका सपनाहरु केवल व्यक्तिगत पीडा मात्र नभई नेपालको वैदेशिक रोजगारीमा निर्भर सामाजिक र आर्थिक वास्तविकताको एक झल्को पनि हो ।

यो अवस्थाले श्रमिक सुरक्षाप्रति गम्भीर प्रश्न खडा गरेको छ। श्रमिक सुरक्षाबारे नेपाल सरकारले केहि कदम चालिएको भए पनि अझै प्रभावकारी नदेखिएको पीडित परिवार र सरोकारवालाहरुले गुनासो गरेका छन् ।

Related posts:

कुवेतमा विषाक्त मदिरा सेवनबाट ११ नेपालीको मृत्यु, ४० बिरामी पशुपतिमा पुगेर एलिनाले गरिन विपिन जोशीको रिहाइको कामना खाडी मुलुक पठाउन लागेका ४० नेपाली महिला दलालको पासोबाट जोगिए भारत जाने श्रमिक पनि अब नीतिगत व्यवस्थामा : सरकारले ल्यायो नयाँ श्रम आप्रवासन नीति वैदेशिक रोजगारीमा मृत्यु भएकी नेपाली महिलाहरूको पीडा अनुसन्धान प्रतिवेदन वैदेशिक रोजगार संशोधन विधेयकको मस्यौदा श्रमिकका अधिकार कति ? कोरियाको ईपीएस भाषा परीक्षाका लागि साउन २६ देखि आवेदन खुल्ने