भदौ १, २०८२।
भैरहवा – संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले गौतमबुद्ध अन्तरराष्ट्रिय विमानस्थलको प्रभावकारी सञ्चालनको लागि निजी क्षेत्रलाई जिम्मेवारी दिने तयारी भइरहेको बताएका छन्।
भैरहवामा आयोजित छलफल कार्यक्रममा उनले निजी क्षेत्रलाई निषेध गर्नु अनुचित हुने भन्दै रातो कार्पेट बिछ्याएर लगानीको वातावरण बनाउनुपर्नेमा जोड दिए।
मन्त्री पाण्डेका अनुसार सुरक्षाजस्ता संवेदनशील पक्षहरू सरकारको मातहतमै रहने भए पनि अन्य सञ्चालन पक्ष निजी क्षेत्रमा हस्तान्तरण गरिन सक्नेछ।
कार्यक्रममा सहभागी स्थानीय, उद्योगी तथा व्यवसायीहरूले विमानस्थलको भविष्यबारे स्पष्ट नीति आवश्यक रहेको भन्दै सरकारलाई चाँडो निर्णय गर्न आग्रह गरेका थिए।
नेपाल एयरलाइन्समार्फत नियमित उडान गरिनुपर्ने माग पनि छलफलमा उठाइएको थियो। हालका केही अन्तर्राष्ट्रिय उडानहरू यात्रु संख्या पर्याप्त भए पनि नियमित हुन नसकेको भन्दै सेवा विस्तारका लागि सहकार्य जरुरी रहेको सरोकारवालाहरूले बताए।
Related posts:
