भदौ १५, २०८२।
काठमाडौं – एएफसी महिला च्याम्पियन्स लिगको प्रारम्भिक चरणमा नेपाली क्लब एपीएफले आज आफ्नो अन्तिम खेल साउदी अरेबियाको अल नासरसँग खेल्दैछ । खेल उज्बेकिस्तानको क्वार्सीस्थित मार्काजिय स्टेडियममा नेपाली समय अनुसार साँझ सवा ६ बजे सुरु हुनेछ ।
एपीएफले यसअघि खेलेका दुवै खेलमा पराजय बेहोरेको छ । पहिलो खेलमा उसले घरेलु टोली नासाफ पीएफसीसँग ३-० को हार व्यहोरेको थियो भने दोस्रो खेलमा थाइल्याण्डको कलेज अफ एसियन स्कोलार्ससँग ५-० ले पराजित भएको थियो ।
यस्तै अल नासर पनि लगातार दुई खेलमा हार्दै समूह चरणबाट अघि बढ्ने सम्भावना गुमाइसकेको छ । त्यसैले आजको खेल दुवै टोलीका लागि सान्त्वना जितको अवसर हुनेछ ।
यो प्रतियोगिताको प्रारम्भिक चरणमा रहेका पाँच समूहमध्ये समूह विजेता र उत्कृष्ट उपविजेता मात्रै अर्को चरणमा पुग्ने प्रावधान छ । एपीएफले यद्यपि अघिल्लो चरणमा पुग्ने सम्भावना गुमाइसके पनि अन्तिम खेलमा जित हासिल गर्ने प्रयास गर्ने बताएको छ ।
Related posts:
