काठमाडौँ – एभरेष्ट महिला भलिबल लिगको दोस्रो संस्करणका लागि कर्णाली यशविसले ब्राजिलियन सेटर आना फ्लाभियालाई अनुबन्ध गरेको छ।
फ्लाभिया ब्राजिलकी अनुभवी खेलाडी हुन्। उनले यसअघि ब्राजिलसहित विभिन्न मुलुकका क्लबहरूबाट खेल्दै अनुभव बटुलिएकी छिन्। उनको उपस्थितिले कर्णाली यशविसको खेलमा नयाँ रणनीति र र नतिजामा परिवर्तन आउने अपेक्षा गरिएको छ।
कर्णाली यशविसका प्रशिक्षक तथा व्यवस्थापनले विदेशी खेलाडी भित्र्याएर टिमलाई थप प्रतिस्पर्धी बनाउन खोजेको बताएका छन्।
आना फ्लाभिया जस्तो अनुभवी सेटर आएपछि हाम्रो टिमको आक्रमण र डिफेन्स दुवै बलियो हुन्छ भन्ने विश्वास छ,वटोली व्यवस्थापनले जनाएको छ।
एभरेष्ट महिला भलिबल लिगको दोस्रो संस्करण छिट्टै काठमाडौंमा सुरु हुँदैछ। यस लिगमा विभिन्न प्रदेशका क्लबहरू प्रतिस्पर्धा गर्नेछन्। पहिलो संस्करणमा देखिएको आकर्षणलाई निरन्तरता दिँदै यसपटक विदेशी खेलाडीहरूको सहभागिता बढाइएकाले लिग अझ रोमाञ्चक हुने अपेक्षा गरिएको छ।
काठमाडौ – नेपाल प्रिमियर लिग (एनपीएल) मा मंगलबार विराटनगर किंग्सले ऐतिहासिक प्रदर्शन गर्दै पोखरा एभेन्जर्सलाई ५३ रनले पराजित गरेको छ। त्रिवि अन्तर्राष्ट्रिय क्रिकेट मैदानको फ्लडलाइटमा टस हारेर पहिले ब्याटिङमा उत्रिएको विराटनगरले २० ओभरमा ६ विकेट गुमाउँदै २ सय २० रनको कीर्तिमानी स्कोर बनाएको थियो।
यो एनपीएल इतिहासकै सबैभन्दा ठूलो स्कोर हो। विगत वर्ष लुम्बिनी लायन्सविरुद्ध १ सय ९३ रन बनाएको कीर्तिमानलाई विराटनगरले यसपटक सहजै उछिनेको छ।
पहिलो विकेटका लागि जर्ज मुन्सी १० रनमै आउट भएपछि लोकेश बम र मार्टिन गप्टिलले पोखराका बलरहरूलाई खुला मैदानमा आक्रमण गरे। दुवैले दोस्रो विकेटका लागि १ सय ३२ रनको उत्कृष्ट साझेदारी बनाए, जुन एनपीएल इतिहासकै दोस्रो उच्च साझेदारी हो।
२ सय २१ रनको विशाल लक्ष्य पछ्याउने क्रममा पोखराका ओपनर दिनेश खरेल ७ रनमै आउट भए। तर कप्तान कुशल भुर्तेल उत्कृष्ट फर्ममा रहे—३१ बलमा ५ चौका र ४ छक्कासहित ५९ रन बनाए ।
भुर्तेलसँग एडम रोसिङटन ले ३९ रनको योगदान दिंदै ७६ रनको साझेदारी गरे। तर सन्दीप लामिछानेले एकै ओभरमा जिम्मी निसम र तृतराज दासलाई आउट गरेपछि पोखराको आशा निराशामा बद्लिएको हो ।
लगातार आउट हुँदा टोली १८.५ ओभरमै १६७ रनमा अलआउट भयो। अन्तिमतिर ड्यान डाउथवेटले २० बलमा २९ रन बनाए पनि त्यो टोलीलाई जोगाउन पर्याप्त भएन।
कीर्तिमानी २२० रनको विशाल स्कोर, आक्रामक ब्याटिङ प्रदर्शन र उत्कृष्ट बलिङको संयोजनले विराटनगर किंग्सलाई एनपीएलमा शानदार जित दिलायो। यस जितसँगै विराटनगरले प्रतियोगितामा बलियो दाबी पेश गरेको छ।