एनआईसी एशिया बैंक र ओम हस्पिटलबीच छुट सम्झौता, ग्राहकले पाउनेछन् १०% छुट सहितको सुविधा ।
काठमाडौं, श्रावण ३- एनआईसी एशिया बैंक र ओम हस्पिटल एण्ड रिसर्च सेन्टरबीच विशेष सहकार्य सम्झौता सम्पन्न भएको छ। अब बैंकका ग्राहकहरूले ओम हस्पिटलमा स्वास्थ्य सेवा लिँदा डिजिटल माध्यमबाट भुक्तानी गरेमा १० प्रतिशत छुट पाउने छन्।
बैंकका तर्फबाट डिजिटल पेमेन्ट इकोसिस्टम प्रमुख बिमल लम्साल र ओम हस्पिटलका तर्फबाट प्रमुख कार्यकारी अधिकृत यम बहादुर महतले सम्झौतापत्रमा हस्ताक्षर गरेका हुन् ।
बैंकका अनुसार ग्राहकहरूले डेबिट कार्ड, क्रेडिट कार्ड, प्रिपेड कार्ड वा मोबैंक मोबाइल एप प्रयोग गरी बिल भुक्तानी गरेपछि छुट सुविधा प्राप्त हुनेछ।
एनआईसी एशिया बैंकले यस किसिमको सहकार्यले गुणस्तरीय स्वास्थ्य सेवा सरल र सुलभ रूपमा उपलव्ध गराउनुका साथै डिजिटल भुक्तानी प्रणालीप्रति जनचासो बढाउन मद्दत गर्ने विश्वास लिएको छ।
बैंकले पछिल्लो समय डिजिटल बैंकिङ प्रवर्द्धन गर्दै विभिन्न क्षेत्रसँग सहकार्य गर्दै आइरहेको छ। यसपटक स्वास्थ्य क्षेत्रसँगको सहकार्यले ग्राहकहरूलाई दुवै लाभ दिनेछ, स्वास्थ्य सेवामा पहुँच र डिजिटल कारोबारमा सुविधा।
ओम हस्पिटल एण्ड रिसर्च सेन्टर, राजधानीको एक अग्रणी स्वास्थ्य संस्था भएकाले यो सहकार्यले ठूलो संख्यामा बैंकका ग्राहकहरूलाई लाभ दिने अपेक्षा गरिएको छ।
एनआईसी एशिया बैंक र ओम हस्पिटलबीचको छुट सम्झौताले बैंकका ग्राहकहरूलाई स्वास्थ्य सेवा प्रयोगमा आर्थिक सुविधा प्रदान गर्नुका साथै डिजिटल कारोबारको प्रोत्साहन दिन महत्वपूर्ण भूमिका खेल्नेछ।
