फिफा महिला वरीयतामा नेपालको ऐतिहासिक फड्को

साउन २२, २०८२।

काठमाडौं – नेपाली महिला फुटबल टोलीले फिफा वरीयतामा हालसम्मकै उत्कृष्ट प्रदर्शन गर्दै १३ स्थान उक्लिएर ८७औं स्थानमा पुग्न सफल भएको छ। फिफाले साउन २२ गते सार्वजनिक गरेको नयाँ महिला टोलीको अन्तर्राष्ट्रिय वरीयतामा नेपालले ४६.४९ अंकको सुधार गर्दै यो ऐतिहासिक फड्को मारेको हो।

नेपाल यसअघि १००औं स्थानमा थियो भने अहिलेसम्मको उच्च वरीयता ९१औं स्थान रहँदै आएको थियो। यसपटकको उकाइले नेपाली महिला फुटबलको इतिहासमा नयाँ अध्याय लेखेको छ । एसियाली राष्ट्रहरूमध्ये नेपाल १६औं स्थानमा रहेको छ।

नेपालको यो सफलता महिला एसियन कप छनोट चरणमा देखाएको उत्कृष्ट प्रदर्शनको नतिजा हो। छनोट खेलमा नेपालले श्रीलंकालाई ६–० ले तथा लाओसलाई १–० ले पराजित गरेको थियो।

उज्बेकिस्तानसँग भने गोलरहित बराबरी खेलेको थियो। यी परिणामहरूले नेपालको समग्र वरीयता सुधारमा ठूलो योगदान दिएका छन्।

फिफा महिला वरीयतामा हाल स्पेन शीर्ष स्थानमा उक्लिएको छ भने अमेरिका दोस्रो स्थानमा झरेको छ।
त्यस्तै पुरुषतर्फ भने नेपाल १७५औं स्थानमा यथावत् रहेको छ।

Related posts:

बुल्गेरियाकी निकोलाएभा काठमाडौं स्पाइकर्सबाट खेल्न आउने मधेश क्रिकेट र कृष्णा फाउन्डेसनबीच एक वर्षे प्रायोजन सम्झौता युवराज खत्री लक्की ड्र मार्फत कर्णाली याक्समा आबद्ध एनपीएलको मिनी अक्सन आज, ५ टोलीबीच प्रतिस्पर्धा मधेश युनाइटेडको नयाँ लोगो: भलिबल र जानकी मन्दिर सानुमाथा थिङले विश्व कराते च्याम्पियनसिपमा नेपालको प्रतिनिधित्व गर्ने पब्जी मोबाइल विश्वकपमा नेपालकाे ‘होरा’ इस्पोर्ट्स नवौं, जित्यो डेढ करोडभन्दा बढी पुरस्कार