पारालिम्पिक तेक्वान्दो खेलाडी पलेशा र प्रशिक्षक नेगी सम्मानित

साउन २८, २०८२।

काठमाडौं – मलेसियाको कुचिङमा सम्पन्न दशौं एसियाली पारा तेक्वान्दो च्याम्पियनसिप (जी ४) मा कांस्य पदक जित्ने पलेशा गोर्वधन र उनका प्रशिक्षक कविराज नेगी लामालाई राष्ट्रिय स्वतन्त्र पार्टी केन्द्रीय युवा तथा खेलकुद विभागले विशेष सम्मान गरेको छ।

अन्तराष्ट्रिय युवा दिवस २०२५ को अवसरमा आयोजना गरिएको फ्युचर लिडर्स समिट २०२५ मा रास्वपाका नेतृ तोसिमा कार्की र नेपाल तेक्वान्दो संघका उपाध्यक्ष हरिश्वर पोखरेलले सम्मान पत्र प्रदान गरेका थिए।

पलेशा गोर्वधनले पेरिस २०२४ पारालिम्पिक र हाङझाव एसियन पारा गेम्समा ऐतिहासिक कांस्य पदक जितेकी छन्। उनले अहिलेसम्म ६ वटा अन्तर्राष्ट्रिय पदक जितिसकेकी छन्, जसमा २ स्वर्ण र ४ कांस्य पदक छन्।

उनकी प्रशिक्षक कविराज नेगी लामाले सन् २०१५ देखि पलेशाको प्रशिक्षण गर्दै आएका छन्। नेगी अन्तराष्ट्रिय लेवल २ प्रशिक्षक हुन् र उनको प्रशिक्षणमा नेपालले पारा तेक्वान्दोमा १२ वटा अन्तर्राष्ट्रिय पदक जितिसकेको छ।

पलेशा र नेगीको यो सफलताले नेपाली पारा खेलकुद क्षेत्रमा ठूलो गर्वको विषय बनेको छ र आगामी दिनमा अझ धेरै सफलताका लागि उत्साहजनक संकेत दिएको छ।

Related posts:

बंगलादेश विरुद्ध मैत्रीपूर्ण खेलका लागि नेपाली टोली घोषणा एनपीएल “NPL” मिनी अक्सनमा आदिल १५ लाखमा काठमान्डु गोर्खाजमा अनुबन्ध मैले काठमाडौं छाडेकै थिइनँ : मोन्टी देसाई यू–२० एएफसी एशिया कप छनोटमा नेपालको सम्भावना कायम भलिबलकी कविता अस्ट्रेलिया उडे, राष्ट्रिय टिमबाट राजीनामा साम्बाको मार्मिक प्रश्न: देशका लागि खेलेका खेलाडीलाई एक जोर जर्सी र जुत्ता किन उपलब्ध छैन? नेपाली यु–२० महिला रग्बी टोली घोषणा