साउन २५, २०८२।
काठमाडौँ – नेपाल प्रिमियर लिग (एनपीएल) क्रिकेट सिजन–२ को मिनी अक्सनमा शनिबार आदिल आलम अन्सारी सबैभन्दा चर्चित खेलाडी बने। सबै ८ फ्रेन्चाइज टोलीको बोलीमा परेका उनी अन्ततः लक्की ड्र मार्फत काठमान्डु गोर्खाजले १५ लाखमा आफ्नो टोलीमा भित्र्यायो।
ए श्रेणीमा रहेका आदिलको न्यूनतम मूल्य १० लाख थियो। सबै टोलीले अधिकतम १५ लाखसम्म बोली लगाएपछि गोलाप्रथाबाट गोर्खाज भाग्यमानी सावित भयो। गत वर्षको अक्सनमा बारम्बार ‘लक्की ड्र’मा असफल भएको गोर्खाज यसपटक सबैभन्दा बढी प्रतीक्षित खेलाडी पाउन सफल रह्यो।
गोर्खाजले यसअघिको ४३ लाख बजेटमध्ये ३७ लाख खर्च गर्दै आदिलसँगै देब्रेहाते स्पिनर सन्तोष यादव, आकाश त्रिपाठी, उत्तम थापामगर र तुलबहादुर थापालाई अनुबन्ध गर्यो।
अक्सनमा १६१ मध्ये ३७ खेलाडीमा मात्र बोली लाग्यो। चितवन राइनोज ३९ लाख खर्च गर्दै सबैभन्दा ठूलो खर्च गर्ने टोली रह्यो। लुम्बिनी लायन्सले ३२ लाख, कर्णाली याक्सले २९ लाख, विराटनगर किंग्सले २७ लाख, सुदूरपश्चिम रोयल्सले २४ लाख, जनकपुर बोल्ट्सले १९ लाख ७५ हजार र पोखरा एभेन्जर्सले ११ लाख खर्च गरे।
३ वर्षअघि स्पट फिक्सिङको आरोप लागेका आदिललाई हालै मात्र क्यानले राष्ट्रिय प्रतियोगिता खेल्न अनुमति दिएको हो। यसपटकको अक्सनमा शरद भेषावकर, सुनिल धमला र सुनाम गौतमजस्ता ए श्रेणीका खेलाडीले भने कुनै बोली पाएनन्।
Related posts:
सावित्रा भण्डारी साम्बा म्याक्सिम्याक्सको ब्रान्ड एम्बासडर
काठमाडौं महानगरबाट एमएमए फाइटर रवीन्द्र ढाट र खो खो टोलिलाई सम्मान
काठमाडौं स्पाइकर्सको मुख्य प्रशिक्षकमा लोक बुढा नियुक्त
एपिएफ क्लबलाई केल्मीको प्रायोजन निरन्तर
एसियन बक्सिङमा अर्पिल राना सेमिफाइनलमा
रवीन्द्र ढाँटको सफलता: एमएफएन बान्टमवेट च्याम्पियन पहिलो नेपाली फाइटर
कोपा अमेरिका २०२५ ब्राजिललाई उपाधि
