नेपालमा लिग नहुँदा नेपाली फुटबलर विदेश पलायन

भदौ ७, २०८२।

काठमाडौं – नेपाली फुटबलमा निरन्तरता नहुँदा खेलाडीको भविष्य अन्धकारमा परेको छ। पछिल्लो ए डिभिजन लिग २०७९/८० पछि अहिलेसम्म नयाँ लिग हुन सकेको छैन। यसबीचमा करिब ५५ प्रतिशत खेलाडीले फुटबल खेल्न छाडेका छन्।

३९३ खेलाडीमध्ये करिब १४५ खेलाडी मात्र सक्रिय छन् बाँकीले भने फुटबल खेल्ने बाटो छाडेर अन्य पेशा रोजेका छन्। यसमा करिब ७५ खेलाडी विदेश पलायन भइसकेका छन् जसमा विभागीय टिम (आर्मी, पुलिस, एपीएफ) का खेलाडीको संख्या बढी छ।

विशेषगरी नाम चलेका खेलाडीसमेत फुटबल नै हुँदैन भने खेलिरहनुको अर्थ छैन भन्दै निराश बनेका छन्। धेरैले भारत, बंगलादेशजस्ता मुलुकका कमजोर प्रतियोगितामा टिक्न बाध्य भएका छन्।

नेपालमा लिग नहुँदा खेलाडीहरूको आर्थिक अवस्था कमजोर भएको छ। आन्तरिक प्रतियोगिता नहुँदा तलब, भत्ता र प्रायोजन पाउने अवसर हराएको छ। चोटपटक र भविष्यप्रतिको अनिश्चितताले धेरै खेलाडी मानसिक तनावमा छन्।

विभागीय टिमप्रति आकर्षण घट्दै

पहिले विभागीय टिमहरू खेलाडीको पहिलो रोजाइ हुन्थे। तर अहिले तलको पद र भविष्यप्रति अनिश्चितताका कारण विभागीय टिम आकर्षक गन्तव्य नरहेको खेलाडीहरूको गुनासो छ।

बंगलादेशमा अवसर

हाल ९ जना नेपाली खेलाडी विदेशी क्लबमा आबद्ध छन्, जसमा सात जना बंगलादेशी क्लबका लागि खेलिरहेका छन्। तिनैमध्ये एक कप्तान किरण लिम्बू पनि हुन्। यसले नेपाल फुटबललाई “बंगलादेशी लिगमा निर्भर” बनाएको छ।

निकट भविष्यमा लिग सुरु हुन सकेन भने नेपाली फुटबलको स्तर झन् खस्किँदै जाने निश्चित देखिन्छ। खेलाडीहरूले फुटबल छोड्नुपर्ने अवस्था आउन सक्छ जसले राष्ट्रिय टिम निर्माणमै गम्भीर चुनौती खडा गर्ने विश्लेषण समेत हुन थालेका छन् ।

Related posts:

रवि लामिछाने कारागार सरुवाः नख्खु जेलमा छुट्टै कोठा एनआरएन विवाद : सुनुवाइ फेरि सरेपछि अन्योल कायमै जब छोरीहरुले बाबुको दाहसंस्कार र किरियाकर्म गरे इजरायल पुगे विपिन जोशीकी आमा र बहिनी, हमासको बन्धकबाट छोराको रिहाइका लागि अन्तर्राष्ट्रिय अपिल क्रिकेटपछि संगीतमा सन्दीप लामिछानेको यात्रा: सन्सी प्रोडक्सनमार्फत नयाँ अध्याय सुरु अनुदान कटौतीको विरोधमा सर्लाहीका उखु किसानद्वारा चिनी मिल अगाडि टायर बाल्दै प्रदर्शन बहुविवाहलाई कानुनी छुट दिने विधेयकको विरोध, मन्त्रीसँग मागियो जवाफ