नेपाल इन्स्योरेन्सको शेयर साउनको पहिलो सातादेखि खुला हुँदै छ ।
काठमाडौं, श्रावण ३ – नेपाल इन्स्योरेन्स कम्पनी लिमिटेडले आफ्नो हालको चुक्तापुँजीमा ३४.७८ प्रतिशत हकप्रद शेयर बिक्री गर्न लागेको छ। कम्पनीले साउन ६ गतेदेखि हकप्रद शेयर खुला गर्ने घोषणा गरेको छ।
यसअनुसार, कम्पनीले हाल कायम १ अर्ब ८९ करोड ८ लाख ७८ हजार २३१ रुपैयाँ चुक्तापुँजीमा १०:३.४७८३ को अनुपातमा हकप्रद शेयर जारी गर्दैछ।
कुल ६५ लाख ७६ हजार ९६७.७६ कित्ता शेयर, अर्थात ६५ करोड ७६ लाख ९६ हजार ७७६ रुपैयाँ बराबरको हकप्रद, १०० रुपैयाँ अंकित दरमा जारी गरिनेछ।
कसरी आवेदन दिने?
शेयरधनीहरूले हकप्रद शेयरको लागि नेपाल धितोपत्र बोर्डबाट अनुमति प्राप्त आस्बा सेवामा सहभागी बैंक तथा वित्तीय संस्थाबाट आवेदन दिन सक्नेछन्।
सीडीएससीको मेरो शेयरमार्फत अनलाइन आवेदन दिन मिल्नेछ।
साथै धितोपत्र बिक्री प्रबन्धक एनआईएमबि एस क्यापिटलका केन्द्रीय तथा शाखा कार्यालयहरूबाट समेत आवेदन दिन सकिने व्यवस्था गरिएको छ।
कम्पनीले जेठ ३० गते बुकक्लोज गरेको थियो।
अर्थात जेठ २९ गतेसम्म कम्पनीको शेयर किनेका शेयरधनीहरूले मात्र यो हकप्रद शेयरमा आवेदन दिन पाउनेछन्।
यो हकप्रद बिक्रीपछि कम्पनीको चुक्तापुँजी २ अर्ब ५४ करोड ८५ लाख ७५ हजार ७ रुपैयाँ पुग्नेछ।
नेपाल बीमा प्राधिकरणले निर्जीवन बीमा कम्पनीहरूको न्यूनतम चुक्तापुँजी २ अर्ब ५० करोड रुपैयाँ तोकेको छ।
सफल हकप्रद बिक्रीपछि कम्पनीले प्राधिकरणको न्यूनतम पूँजी मापदण्ड पूरा गर्नेछ।
नेपाल इन्स्योरेन्सको यो हकप्रद शेयरले कम्पनीको वित्तीय आधार सुदृढ गर्न सहयोग पुर्याउने छ।यसका साथै लगानीकर्ताहरूलाई कम्पनीको भविष्यमा सहभागी हुने अवसर पनि दिनेछ। साना तथा ठूला लगानीकर्ताहरूका लागि यो रणनीतिक लगानीको मौका बन्न सक्ने विज्ञहरूको भनाइ छ।
