जब छोरीहरुले बाबुको दाहसंस्कार र किरियाकर्म गरे

साउन २७, २०८२।

काभ्रे – पनौती नगरपालिका – १ स्थित रयालेमा ९१ वर्षीय हरिप्रसाद सापकोटाको निधनपछि पाँचै छोरीहरुले बुबाको दाहसंस्कार र काजकिरियामा सक्रिय भूमिका खेलेकी छन्।

परम्परागत पितृसत्तात्मक संस्कार अनुसार यस्तो कार्य छोराले मात्र गर्नुपर्ने परम्परा रही आएको भए तापनि उनीहरूले यो सामाजिक रूढी र अन्याय विरुद्ध आवाज उठाउँदै ऐतिहासिक कदम चालिन्।

छोरीहरूले आफ्नो राजनीतिक चेतना र सामाजिक अभियानका कारण दाहसंस्कार तथा किरियाकर्ममा आफैले सहभागिता जनाउन सफल भए। परिवारमा केही दाजुभाइहरूले यस कदमलाई सहज मान्न नसके पनि छोरीहरूले दृढ सङ्कल्पसाथ आफ्नो हक र अधिकारका लागि संघर्ष गरेकी छन्।

विशेषगरी बिमला सापकोटा बनेपा उप–प्रमुख र अखिल नेपाल महिला संघ काभ्रे जिल्ला अध्यक्ष हुनुहुन्छ भने निर्मला सापकोटा शिक्षक तथा बुद्धिजीवी परिषद् कोषाध्यक्ष, राधिका सापकोटा एमाले धादिङ जिल्ला सचिव तथा धादिङ अस्पताल व्यवस्थापन समितिका अध्यक्ष हुनुहुन्छ।

वैदिक मतसँग मेल खाने पण्डित दिनबन्धु पोखरेलका अनुसार, छोरीले दाहसंस्कार गर्न पाउनु पूर्णरूपमा धार्मिक दृष्टिले पनि सहि हो र यो सामाजिक परिवर्तन लैङ्गिक समानता र न्यायतर्फको सकारात्मक संकेत हो।

सामाजिक संरचना र पितृसत्तात्मक सोचका कारण यस्ता परिवर्तन कठिन भए पनि छोरीहरूको यो कदमले नयाँ सोच र सांस्कृतिक परिवर्तनको बाटो खोल्ने विश्वास गरिएको छ।