साउन २१, २०८२।
सर्लाही – राज्यबाट प्राप्त हुने अनुदान रकम कटौती गरिएको भन्दै सर्लाहीका उखु किसानहरूले मंगलबार जिल्लाका तीन ठूला चिनी मिल अगाडि टायर बाल्दै विरोध प्रदर्शन गरेका छन्।
सर्लाहीको हरिवनस्थित इन्दुशंकर चिनी उद्योग, गोडैतास्थित महालक्ष्मी सुगर मिल र धनकौलस्थित अन्नपूर्ण चिनी उद्योग अगाडि किसानहरूले एकैसाथ प्रदर्शन गरेका हुन्। उनीहरूले राज्यले दिने भनिएको प्रति क्विन्टल ७० रुपैयाँ अनुदानमध्ये ३५ रुपैयाँ अझै बाँकी रहेको भन्दै चालू आर्थिक वर्षको बजेटबाट समेत बाँकी रकम कटौती गरिएकाले आफूहरू आन्दोलनमा उत्रन बाध्य भएको बताएका छन्।
उखु उत्पादक संघ सर्लाहीको अगुवाइमा गरिएको प्रदर्शनमा किसानहरूले माग पूरा नभएमा काठमाडौं केन्द्रित आन्दोलन गर्ने चेतावनीसमेत दिएका छन्।
गोडैता नगरपालिकाका नगरप्रमुख देवेन्द्र यादवले सरकार किसानलाई सहयोग गर्नुको साटो “मार्न खोजेको” आरोप लगाउँदै अनुदान रकम फिर्ता नगरेसम्म आन्दोलन नरोकिने बताएका छन्।
यस्तै बलरा नगरपालिकाका नगरप्रमुख रामाशंकर कुशवाहाले उखुलाई पनि अन्य बालीझैं पकेट जोन बनाइ किसानलाई प्रोत्साहन गर्नु पर्नेमा सरकारले उल्टो किसानमाथि दबाब सिर्जना गरेको टिप्पणी गरे।
केन्द्रीय उखु उत्पादक संघर्ष समितिका सह–संयोजक राजकुमार उप्रेतीका अनुसार हालसम्म १ अर्ब ६० करोड रुपैयाँ बराबरको अनुदान रकम बाँकी छ। उनले राज्यको बेवास्ताका कारण किसानहरू वर्षौँदेखि आर्थिक मर्कामा परेको गुनासो गरे।
प्रदर्शनकारी किसानहरूले स्पष्ट रूपमा भनेका छन् बाँकी रकम फिर्ता गर र नयाँ बजेटमा कटौती फिर्ता गर। नत्र आन्दोलन अझै व्यापक बनाउनेछौं।
Related posts:
पहिरोमा परि ज्यान गुमाएका एन्फा खेलाडीहरूको स्मृतिमा प्रतियोगिता हुने
रूपन्देही अदालतको आदेशपछि रवि लामिछाने थुनामा
सर्लाही बागमतीका मेयर भरत थापालाई एक वर्ष कैद, ३ करोड ४५ लाख जरिवाना
पूर्व प्रहरी अधिकृतको नयाँ परिचय ‘कुकर कफी’
पूर्वराजाका नातिको जुम्ला भ्रमणमा बनाएको भ्लगले चलाएको राजनीतिक र सामाजिक बहस
राजीनामा अब गंगास्नान हो ? रास्वपाका सांसद आसिम शाहको संसदमा तीखो प्रश्न
त्रिभुवन विमानस्थलमा भन्सार घेरा तोडेर चुरोटको तस्करी
