सावित्रा भण्डारी साम्बा म्याक्सिम्याक्सको ब्रान्ड एम्बासडर

साउन २७, २०८२।

काठमाडौं – नेपाली राष्ट्रिय महिला फुटबल टिमकी कप्तान सावित्रा भण्डारी साम्बा म्याक्सिम्याक्स एजुकेसन एण्ड माइग्रेसनको ब्रान्ड एम्बासडर नियुक्त भएकी छन्। मंगलबार राजधानीमा आयोजित कार्यक्रममा सावित्रा र म्याक्सिम्याक्सबीच तीन वर्षको लागि सम्झौता भएको हो।

कार्यक्रममा कम्पनीका प्रबन्ध निर्देशक (एमडी) रोजन कुमार दवाडी र सावित्राले सम्झौतापत्रमा हस्ताक्षर गरे। सम्झौता रकम सार्वजनिक नगरे पनि दुवै पक्षले यसलाई आपसी लाभ हुने सहकार्यको रूपमा वर्णन गरेका छन्।

सावित्राले ब्रान्ड एम्बासडर बन्ने सपना पहिले देखि देखेको उल्लेख गर्दै म्याक्सिम्याक्ससँगको सहकार्य आफ्नो लागि मात्र नभई आगामी पुस्ताका लागि पनि प्रेरणा हुने बताइन्। “म्याक्सिमससँग जोडिन पाउँदा खुसी छु, यसले मलाई अझ ऊर्जा दिएको छ,” उनले भनिन्।

‘गोल मेसिन’को उपमा पाएकी सावित्राले नेपालका लागि हालसम्म सर्वाधिक ६४ गोल गरिसकेकी छन्। हालै उज्बेकिस्तानमा सम्पन्न एएफसी महिला एसियन कप छनोटमा उनले नेपाली टोलीको कप्तानी गरेकी थिइन्।

सावित्रा युरोपको फ्रेन्च लिग खेल्ने पहिलो नेपाली महिला खेलाडी हुन्। उनी यसअघि भारतको महिला लिगमा खेलिसकेकी छन् भने विभागीय टोली एपीएफबाट समेत खेलिसकेकी छन्। नेपाल र भारत दुवैमा महिला लिग जितिसकेकी उनी आगामी सिजनका लागि न्युजिल्याण्डको वेलिङ्गटन फोएनिक्स क्लबमा अनुबन्ध भएकी छन् जसले  अष्ट्रेलियन शीर्ष डिभिजनको महिला लिग खेल्दै आएको छ।

Related posts:

काठमाडौं महानगरबाट एमएमए फाइटर रवीन्द्र ढाट र खो खो टोलिलाई सम्मान एएफसी यू-२० महिला एसियन कप छनोटमा नेपाल उत्तर कोरियासँग ११–० ले पराजित एपिएफ क्लबलाई केल्मीको प्रायोजन निरन्तर एसियन बक्सिङमा अर्पिल राना सेमिफाइनलमा नेपाल फर्किए “च्याम्पियन रवीन्द्र” भव्य स्वागतले भरियो त्रिभुवन विमानस्थल रवीन्द्र ढाँटको सफलता: एमएफएन बान्टमवेट च्याम्पियन पहिलो नेपाली फाइटर कोपा अमेरिका २०२५ ब्राजिललाई उपाधि