मंसिर ४, २०८२। काठमाडौं दैनिक संवाददाता
काठमाडौ – आकर्षक रोजगारीको प्रलोभनमा परी म्यानमारमा ठगिएका ३७ नेपाली नागरिकलाई बुधबार थाइल्याण्डबाट नेपाल फर्काइएको छ। उनीहरू विभिन्न ‘अनलाइन स्क्यामिङ’ केन्द्रमा अनलाइन डेटिङ, क्यासिनो, गेमिङ, फिसिङ, र क्रिप्टो ठगीमा काम गर्न लगाइएका थिए।
म्यानमार सुरक्षाकर्मीको छापाबाट भागेर थाइल्याण्ड प्रवेश गरेका उनीहरूलाई नेपाली राजदूतावासले उद्धार गरी नेपाल एयरलाइन्सको उडान नं. आरए–४०२ मार्फत् स्वदेश पठाएको हो।
नेपाल दूतावासले म्यानमार, थाइल्याण्ड र कम्बोडियाका सम्बन्धित निकायसँग समन्वय गर्दै म्यानमारको म्यावडीमा रहेका थप २३ जना, थाइल्याण्डको मेसोटमा रहेका २ जना तथा कम्बोडियामा रहेका ४ जना नेपालीलाई पनि यथाशीघ्र नेपाल फर्काउने प्रक्रिया अघि बढाइरहेको जनाएको छ।
राजदूतावासले सबै नेपाली नागरिकलाई वैदेशिक रोजगारीका लागि तोकिएका मापदण्डअनुसार मात्र विदेश जान र कसैको प्रलोभनमा परी छिटो पैसा कमाउने लोभमा जोखिमयुक्त मुलुकहरूमा नजाने अनुरोध गरेको छ।
Related posts:
यूएईले भिजिट भिसा खुला गर्यो, रोजगारी भिसा निर्णय अझै बाँकी
कुवेतमा विषाक्त मदिरा सेवनबाट ११ नेपालीको मृत्यु, ४० बिरामी
पशुपतिमा पुगेर एलिनाले गरिन विपिन जोशीको रिहाइको कामना
खाडी मुलुक पठाउन लागेका ४० नेपाली महिला दलालको पासोबाट जोगिए
भारत जाने श्रमिक पनि अब नीतिगत व्यवस्थामा : सरकारले ल्यायो नयाँ श्रम आप्रवासन नीति
वैदेशिक रोजगारीमा मृत्यु भएकी नेपाली महिलाहरूको पीडा अनुसन्धान प्रतिवेदन
वैदेशिक रोजगार संशोधन विधेयकको मस्यौदा श्रमिकका अधिकार कति ?
