भदौ ७, २०८२।
काठमाडौं – समाजवादी गणतन्त्र भियतनामकी उपराष्ट्रपति भो थि आन सुआन आज (शनिबार) तीन दिने औपचारिक भ्रमणका लागि नेपाल आउँदै छिन्। उपराष्ट्रपति रामसहायप्रसाद यादवको मैत्रीपूर्ण निमन्त्रणामा उनी नेपाल आगमन गर्न लागेकी हुन्।
परराष्ट्र मन्त्रालयका अनुसार यो नेपाल–भियतनाम कूटनीतिक सम्बन्धमा पहिलो पटक हुने उच्चस्तरीय भ्रमण हो। भ्रमणका क्रममा भदौ ८ गते उपराष्ट्रपति यादव र उनका समकक्षी सुआनबीच काठमाडौँमा प्रतिनिधिमण्डलस्तरीय द्विपक्षीय वार्ता हुने छ।
त्यसबाहेक उनले नेपालका अन्य उच्चपदस्थ व्यक्तित्वहरूसँग शिष्टाचार भेटवार्ता गर्ने कार्यक्रम समेत रहेको मन्त्रालयले जनाएको छ।
यस वर्ष नेपाल–भियतनाम कूटनीतिक सम्बन्ध स्थापनाको ५०औँ वार्षिकोत्सव समेत परेको हुँदा यस भ्रमणलाई विशेष महत्वका साथ हेरिएको छ। भ्रमण सम्पन्न गरेपछि उपराष्ट्रपति सुआन भदौ ९ गते काठमाडौंबाट हनोई फर्कने कार्यक्रम तय भएको छ।
Related posts:
चिन -भारत साझेदारी कुनै तेस्रो देशविरुद्ध होइन : चिनियाँ विदेशमन्त्री वाङ यी
ट्रम्प–पुटिन अलास्का वार्ता निष्कर्षविहीन: युक्रेन युद्ध रोकिएन
पाकिस्तानी प्रधानमन्त्रीको भारतलाई धम्की
भारतमा ३३४ राजनीतिक दलको मान्यता खारेज, ४७६ दलमाथि समीक्षा प्रक्रिया सुरु
यामल र लेवान्डोस्कीलाई ५ हजार युरो जरिवाना
दक्षिण कोरियाको के-ब्युटी उद्योगमाथि ट्रम्पको ट्यारिफको असर
बन्धक परिवारको आक्रोश : इजरायल सरकारलाई शान्ति सम्झौताका लागि दबाब
