पहिरोमा परि ज्यान गुमाएका एन्फा खेलाडीहरूको स्मृतिमा प्रतियोगिता हुने

साउन २८, २०८२।

मकवानपुर, इन्द्रसरोवर–३ सिस्नेरीस्थित श्री वत्सलादेवी माध्यमिक विद्यालय नजिक २०८१ असोज ११ र १२ गतेको अविरल वर्षापछि आएको पहिरोमा ज्यान गुमाएका एन्फा एकेडेमीका खेलाडीहरू अनुपम घलान, आदित्य बलम्पाकी, विकल रेग्मी, दिवस बाँनिया, प्रियान्स आर्चाय र साईमन योञ्जनको सम्झनामा अखिल नेपाल फुटबल संघ (एन्फा)ले विशेष कार्यक्रमहरू गर्ने भएको छ।

बुधबार एन्फा कम्प्लेक्स, सातदोबाटोमा महासचिव किरण राईको अध्यक्षतामा प्रभावित खेलाडीका परिवार र संघबीच भएको छलफलपछि चार बुँदे सहमति भएको हो।

एन्फाको आयोजनामा २०८२ सालमा स्वर्गीय खेलाडीहरूको स्मृतिमा एन्फा यू–१४ छात्र /छात्रा अन्तर–विद्यालय फुटबल प्रतियोगिता हुने भएको छ। यस प्रतियोगितामा सम्बन्धित परिवारजनलाई जिल्ला फुटबल संघमार्फत र केन्द्रीय स्तरमा सहभागी गराइनेछ।

यस्तै, खेलाडीहरूको अर्धकदको सालिक एन्फा कम्प्लेक्स, सातदोबाटोमा स्थापना गरिनेछ। सालिकको अनावरण घटनाको वार्षिक पुण्यतिथि (असोज १२) वा अन्तर–विद्यालय प्रतियोगिताको फाइनल खेलको अवसरमा परिवारजनको सहमतिमा गरिनेछ।

सहमतिअनुसार, खेलाडीहरूको स्मृतिमा स्थानीयस्तरमा फुटबल विकासका कार्यक्रम सञ्चालन गर्न ‘अक्षयकोष’ स्थापना गरिनेछ। कोष निर्माणका लागि विभिन्न संघ–संस्था तथा व्यक्तिहरूलाई सहयोगको लागि आह्वान गरिनेछ र यसको सञ्चालन सम्बन्धित परिवारजनकै अधिकारमा रहनेछ।

एन्फाले हरेक वर्ष असोज १२ गते श्रद्धाञ्जली सभा आयोजना गर्ने पनि निर्णय गरेको छ जसमा परिवारजनको सहभागिता रहनेछ।

Related posts:

रवि लामिछानेको मुद्दामा अन्तर्राष्ट्रिय अदालतमा जाने पत्नी निकिता पौडेलको धम्की महेश बस्नेतले भने: रवि लामिछानेको जेलबाट छुट्ने अर्को योजना पनि असफल एमाले महाधिवेशनमा “मिसन ८४” सार्वजनिक गर्दै ओली पूर्व प्रहरी अधिकृतको नयाँ परिचय ‘कुकर कफी’ पूर्वराजाका नातिको जुम्ला भ्रमणमा बनाएको भ्लगले चलाएको राजनीतिक र सामाजिक बहस राजीनामा अब गंगास्नान हो ? रास्वपाका सांसद आसिम शाहको संसदमा तीखो प्रश्न त्रिभुवन विमानस्थलमा भन्सार घेरा तोडेर चुरोटको तस्करी