मंसिर १, २०८२। काठमाडौं दैनिक संवाददाता
काठमाडौँ – नेपाल वायुसेवा निगमले डाइभर्ट गर्नुपर्ने अवस्थामा अब भारतका विमानस्थल प्रयोग गर्नु नपर्ने भएको छ । सोमबारको निर्णयअनुसार अबदेखि निगमका सबै डाइभर्ट फ्लाइटहरू गौतम बुद्ध अन्तर्राष्ट्रिय विमानस्थल (भैरहवा) मा अवतरण गराइने भएको छ।
निगमका प्रवक्ता अनिल घिमिरेका अनुसार भैरहवालाई ‘अल्टरनेटिभ एयरपोर्ट’का रूपमा औपचारिक रूपमा प्रयोग गर्ने व्यवस्था लागू भएसँगै खर्च र समय दुवै बचत हुने अपेक्षा छ।
हालसम्म मौसम, प्राविधिक समस्या वा अन्य कारणले विमान डाइभर्ट हुँदा भारतका लखनऊ, वाराणसी तथा अन्य नजीकका विमानस्थलमा अवतरण गर्ने बाध्यता थियो। नयाँ व्यवस्थाले आपतकालीन अवतरण, अपरेशन म्यानेजमेन्ट र यात्रु–सेवामा सहजता बढ्ने निगमको दाबी छ।
यससँगै निगमले पोखरा अन्तर्राष्ट्रिय विमानस्थललाई पनि वैकल्पिक अवतरणस्थलको रूपमा प्रयोग गर्न आवश्यक अध्ययन प्रक्रिया अघि बढाउने निर्णय गरेको छ। निकट भविष्यमा वैकल्पिक विमानस्थलको प्रभावकारी उपयोगले हवाई सुरक्षा र सञ्चालनमा विश्वास बढ्ने अपेक्षा गरिएको छ ।
Related posts:
जेन जि आन्दोलनमा भएको क्षतिमा साढे २३ अर्ब बिमा दाबी
सूर्यज्योति लाइफको नाफामा ११% वृद्धि, प्रतिसेयर आम्दानी कति ?
पैसा धेरै भएपछि राष्ट्र बैंकले फेरि ६० अर्ब रुपैयाँ झिक्दै
गौतमबुद्ध अन्तरराष्ट्रिय विमानस्थल निजी क्षेत्रलाई दिने सरकारको तयारी
नेप्सेमा लगातार गिरावट: बैंकिङ, व्यापार र बिमा सबैभन्दा बढी प्रभावित
महिला राष्ट्रिय क्रिकेट टोलीको जर्सी प्रायोजनका लागि क्यानको आवेदन खुला
एनसेलले ल्यायो इन्टरनेशनल भोल्टे रोमिङ सेवा
