चालु आर्थिक वर्षमा करिब ३ अर्बको आईपीओ जारी

मंसिर ५, २०८२।   काठमाडौ दैनिक संवाददाता

काठमाडौं – नेपाल धितोपत्र बोर्डमा पछिल्लो महिनादेखि आईपीओ स्वीकृतिका लागि आवेदन दिने कम्पनीहरूको भीड बढ्दै गए पनि स्वीकृति पाउने संख्या भने निकै न्यून देखिएको छ। चालु आर्थिक वर्षको चार महिनामा जम्मा चारवटा कम्पनीले मात्र आईपीओ जारी गर्ने अनुमति प्राप्त गरेका छन्।

बोर्डका तथ्यांक अनुसार हालसम्म करीब ३ अर्ब रुपैयाँ बराबरको आईपीओ निष्काशन स्वीकृत भएको छ। सागर डिस्टिलरी, श्रीनगर एग्रीटेक र एस–वाइ प्यानलको आईपीओ जारी भइसकेको छ भने सोलु हाइड्रोपावरको आईपीओ निष्काशन बाँकी छ।

यता बोर्डमा स्वीकृतिको प्रतिक्षामा रहेका कम्पनीहरूको संख्या ८१ पुगेको छ। यी कम्पनीहरूले समग्रमा ५३ अर्ब ८१ करोड रुपैयाँभन्दा बढीको आईपीओ प्रस्ताव बुझाएका छन्। पाइपलाइनमा रहेका कम्पनीमध्ये ३८ वटा हाइड्रोपावर कम्पनी मात्रै छन्, जसको कुल मूल्य १६ अर्ब ६७ करोड रुपैयाँभन्दा बढी रहेको छ।

त्यसपछि उद्योग/उत्पादन तथा प्रसोधन समूहका १९ कम्पनीको २७ अर्ब ४५ करोड रुपैयाँ बराबरको आईपीओ पाइपलाइनमा छ, जुन क्षेत्रगत हिसाबले सबैभन्दा ठूलो हो। अन्य समूह, होटल–पर्यटन, इन्भेष्टमेन्ट र माइक्रो–इन्स्योरेन्स क्षेत्रका कम्पनी पनि ठूलो संख्यामा स्वीकृतिको प्रतिक्षामा रहेका छन्।

Related posts:

बाराही हाइड्रोपावरका करिब २० लाख कित्ता सेयर पुस १ गते अनलक हुँदै हिमालयन इनर्जीले आईपीओ ल्याउँदै, बिक्री प्रबन्धकमा सिटिजन्स क्यापिटल नियुक्त नेप्से सुधारतर्फ सरकारको कदम : संरचना, स्वामित्व मोडेलदेखि शासन प्रणालीसम्म सेयर बजारमा लगानीकर्ता ७० लाख नाघ्यो शेयर कारोबारमा अब राष्ट्रिय परिचयपत्र अनिवार्य नेप्से तीन दिनमै १४३ अंकले घट्यो, परिसूचक फेरि २९ सय मुनि संस्थापक र सर्वसाधारण सेयरलाई छुट्टाछुट्टै निजी क्षेत्रको तीव्र विरोध