ओलीको भने पूर्वराष्ट्रपति भण्डारीको सक्रिय राजनीति प्रवेश गम्भीर विषय हो ।
काठमाडौं, साउन २- नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले पूर्वराष्ट्रपति विद्यादेवी भण्डारीको सक्रिय राजनीतिमा प्रवेश गम्भीर विषय भएको बताएका छन्।
शुक्रबार बसेको एमाले पोलिटब्युरो बैठकमा ओलीले पूर्वराष्ट्रपतिजस्तो गरिमामय पदमा पुगेकी व्यक्तिले पुनः दलगत राजनीतिमा संलग्न हुनु राष्ट्र र गणतन्त्रको दृष्टिकोणले संवेदनशील भएको टिप्पणी गरेका हुन्।
ओलीले भण्डारीलाई एमालेको नेतृत्वमा ल्याउनेबारे पनि स्पष्ट असहमति जनाएका छन्। उनका अनुसार पार्टीले आवश्यक निर्णय उचित समयमा गर्नेछ। गणतन्त्रको प्रतीकपूर्वराष्ट्रपति राजनीतिमा आउनु गम्भीर विषय हो ओलीले बैठकमा भने, पार्टीले यसबारे छलफल गरेर निर्णय लिनेछ।
यसअघि ओलीले दिशानिर्देश टेलिभिजनलाई दिएको अन्तर्वार्तामा पनि भण्डारीको राजनीतिक सक्रियता पार्टीको एजेन्डा नरहेको स्पष्ट पारेका थिए। “भण्डारी पार्टी नेतृत्वको योग्य छैनन्,” भन्ने ओलीको भनाइ थियो।
पूर्वराष्ट्रपति भण्डारीले आफू एमालेको नेतृत्वमा आउन तयार रहेको सन्देश सार्वजनिक भएपछि यो विषय राजनीतिक बहसको केन्द्र बनेको छ। यस्तै एमालेका वरिष्ठ नेता ईश्वर पोखरेलले भने पार्टी विधानको मस्यौदाले पूर्वराष्ट्रपतिलाई राजनीति गर्न नदिने व्यवस्था नरहेको टिप्पणी दिएका छन्।
यो घटनाले एमालेभित्र नेतृत्व, अनुशासन र लोकतान्त्रिक मूल्य र मान्यताको बहसलाई पुनः चर्काएको देखिन्छ।
