एशियन साइन्स क्याम्प २०२५ मा नेपाली विद्यार्थीलाई स्वर्णपदक

साउन २१, २०८२।

काठमाडौं – थाइल्याण्डमा सम्पन्न एशियन साइन्स क्याम्प २०२५ मा Xavier International College का नेपाली विद्यार्थी टोलीले स्वर्णपदक जितेर नेपाललाई ऐतिहासिक गर्व दिलाएका छन्।

नोबेल पुरस्कार विजेता वैज्ञानिकहरू तथा एशिया भरिका शीर्ष वैज्ञानिकहरूको उपस्थितिमा सम्पन्न उक्त प्रतिष्ठित विज्ञान क्याम्पमा नेपालले यस्तो उपलब्धि हात पारेको यो पहिलोपटक हो।

यो क्याम्पमा एशियाका विभिन्न ३० भन्दा बढी देशहरूबाट विद्यार्थीहरू सहभागी थिए। विज्ञान र अनुसन्धानको क्षेत्रमा नवप्रवर्तनशील सोच प्रस्तुत गर्न सक्ने युवा प्रतिभाहरूलाई अन्तर्राष्ट्रिय स्तरमा उजागर गर्ने उद्देश्यले आयोजना गरिएको कार्यक्रममा, Xavier International College का विद्यार्थीहरूले वैज्ञानिक प्रस्तुति, समस्या समाधान तथा अनुसन्धान अवधारणामा उत्कृष्टता देखाउँदै स्वर्णपदक जिते।

कार्यक्रममा नोबेल विजेता वैज्ञानिकहरूले आफ्ना अनुभव साझा गर्दै सहभागी विद्यार्थीहरूलाई अनुसन्धानप्रति अझ उत्साही बनाएका थिए। यस्तै वातावरणमा नेपाली विद्यार्थीहरूले देखाएको आत्मविश्वास र वैज्ञानिक दृष्टिकोणले निर्णायक मण्डललाई समेत प्रभावित बनायो।

Xavier International College का प्रिन्सिपलले भने, हाम्रा विद्यार्थीहरूले अन्तर्राष्ट्रिय मञ्चमा विज्ञान र नवप्रवर्तनको क्षेत्रमा देखाएको क्षमता गर्वको विषय हो। यो उपलब्धिले सम्पूर्ण नेपाली शैक्षिक क्षेत्रलाई प्रेरणा दिनेछ।

एशियन साइन्स क्याम्प को आयोजनाले युवा वैज्ञानिकहरूको क्षमता उजागर गर्नुका साथै उनीहरूलाई भविष्यमा अनुसन्धान र नवप्रवर्तनतर्फ अघि बढ्न मार्गदर्शन दिने उद्देश्य सहित नेपाली टोलीको यो सफलता विज्ञानमा नेपालको बढ्दो उपस्थिति र सम्भावनाको संकेत हो।