एकीकृत समाजवादी केन्द्रीय कमिटी बैठक आह्वान

साउन २४, २०८२।

काठमाडौँ – एकीकृत समाजवादी पार्टीले आगामी भदौ ८ गते काठमाडौँमा केन्द्रीय कमिटी बैठक आह्वान गरेको छ। पार्टीभित्र देखिएका वैचारिक विवाद र आन्तरिक द्वन्द्व समाधानका लागि यो बैठक बोलाइएको हो।

पार्टीका केन्द्रीय प्रचार विभाग उपप्रमुख दामोदर अर्यालका भने, बैठकमा संगठनको सुदृढीकरण, वडा तहबाट भएका गतिविधिहरूको समीक्षा, समसामयिक राजनीतिक विषयवस्तुहरू, वामपन्थी शक्तिहरूबीच एकता, र समान विचारधारा भएका अन्य पार्टीहरूसँग सहकार्यका विषयमा निर्णय गरिने छ।

त्यसैगरी बैठकमा संविधान संशोधनका विषयवस्तुहरू, भ्रष्टाचार, जनजीविकासँग सम्बन्धित पार्टीले सञ्चालन गरेका अभियानहरूको समीक्षा गरिनेछ। पार्टी नेताहरूलाई दिइएको भूगोल केन्द्रित जिम्मेवारी तथा कार्य प्रगतिको पनि मूल्यांकन हुने जनाइएको छ।

केन्द्रीय महाधिवेशनले पारित गरेका कार्यभार र योजनाहरू कार्यान्वयनमा आएका छन् कि छैनन् भनी पनि बैठकमा छलफल हुनेछ। यो बैठकले पार्टीको आन्तरिक विवाद समाधान गर्दै आगामी राजनीतिक रणनीति तय गर्ने विश्वास गरिएको छ।